1,044 Бардыгы /

БАТКЕН. Лейлек районунун аймагында «Тилемчилик» иш-чарасыныны убагында 11 бала аныкталды. Бул жөнүндө Баткен облдустук ички иштер башкармалыгынын басма сөз кызматынан билдиришти.

Маалыматка караганда, Лейлек РИИБсынын коомдук коопсуздук кызматынын кызматкерлери «Тилемчилик» иш-чарасынын алкагында эч көзөмөлсүз жүргөн, базарларда жана дагы коомдук жайларда тилемчилик кылышкан балдарды аныктоо максатында бир топ иштерди аткарды.

Рейддин жыйынтыгында 11 бала аныкталып, алардын ата-энелери, мыйзамдуу өкүлдөрү чакыртылып, булардын арасында түшүндүрүү иштери жүргүзүлду. А түгүл бир катарына эскертүүлөр дагы берилди. Ал эми Кыргыз Республикасынын укук бузуу Кодексинин негизинде бир ата-энеге протокол толтурулуп, айып пул салынды.

Алишер ТОКСОНБАЕВ, өз кабарчы