1,308 Бардыгы /

БАТКЕН. Баткен облусунун аймагында ички иштер органдарынын (ИИОнун) кызматкерлеринин саптык кароосу дээрлик аяктады.

Баткен облустук башкармалыгынан билдиришкендей, Баткен облусунун аймагында Ички иштер органдарынын (ИИОнун) кызматкерлеринин саптык кароосу ийгиликтүү аяктады. Саптык кароо жер-жерлердеги район-шаардык ички иштер бөлүмдөрүндө өздүк курамдын Кыргыз Республикасынын Эгемендүүлүгүнүн 31 жылдыгына арналган майрамдарга карата даярдыктарын дыкаат текшерүү, майрамдык иш-чараларда коомдук тартипти жана жарандардын коопсуздугун толук каандуу камсыздоо, укук бузууларды жана кылмыштуулуктун алдын алуу максатында гана уюштурулду. Анткени, Кыргыз милициясы өлкөбүздүн эгемендүүлүк майрамынын урматына адаттагыдай 30-августтан тартып 1-сентябрга чейин күчөтүлгөн тартипте кызмат өтмөкчү.

Ошентип Ички иштер органдарынын кызматкерлеринин саптык кароосунун маалында ар бир кызматкердин жазгы кийим-кечелери, анан дагы алып жүргөн кызматтык күбөлүктөрү бир сыйрадан текшерилип, өздүк курамга Кыргыз Республикасынын Ички иштер министринин буйруктары дагы кошо жеткирилди.

Алишер ТОКСОНБАЕВ, өз кабарчы