1,285 Бардыгы / БАТКЕН. Эң алыскы Баткен шаарына Евро Азия турукташтыруу жана өнүктүрүү фондунун өкүлдөрү атайын келишти. Донор фонддун өкүлдөрү Баткен шаарында жаңы орус тилдүү комплекстүү мектеп имаратынын курулуш жайы, долбоорду түзүүдө эске алына турган шарттар менен жеринде кеңири таанышышты. Аталган билим журтунун курулушу эмдиги 2023-жылы башталат. Муну үчүн Чет-Булак кварталынын Подстанция участкасынан 3 гектар жер ажыратылды. Жолугушууга Кыргыз Республикасынын Президентинин Баткен облусундагы чек арадагы айылдарды калыбына келтирүү боюнча атайын өкүлү Мамыржан Рахимов, Президенттин Баткен облусундагы ыйгарым укуктуу Өкүлүнүн орун басарлары Тимур Мадяров жана Жаныбек Исаков, Баткен шаарынын мэри Имамназар Бурканов баштаган шаар жетекчилери катышышты. Ошентип, жаңы орус тилдүү комплекстүү мектеп 1200 орунга ылайыкташтырылып, эки бассейн, 2 стадиону менен кошо курулмакчы. Алишер ТОКСОНБАЕВ, өз кабарчыбыз