1,563 Бардыгы /

ЖАЛАЛ-АБАД. Кечээ, 16-ноябрда Жалал-Абад шаарынын мэри Эрнисбек Ормоков Ч.Айтматов аймактык башкармалыгынын жашоочулары менен жолукту.

Жалал-Абад шаардык мэриясынын маалымат борбору билдиргендей,

жолугушууга Жалал-Абад шаарынын прокурорунун милдетин аткаруучу Мирлан Токсомбаев, шаардык ички иштер бөлүмүнүн башчысы Алмазбек Кубатбеков, шаардагы мекеме-ишканалардын жетекчилери жана жергиликтүү жашоочулар катышты. Анда жашоочулар тарабынан ички жолдорго асфальт төшөө, ичүүчү суу тартуу, электр мамычаларын орнотуу, көп кабаттуу үйлөрдү борборлоштурулган жылытуу системасына туташтыруу жана сыртын актап-сырдоого көмөк көрсөтүү, жол четине тротуар жаткыруу сыяктуу бир топ көйгөйлөр айтылды.

Шаар мэри 2022-жылы элди түйшүккө салып келген  бир топ көйгөйлөр чечилгенин баса белгилеп, учурда айтылып жаткан маселердин айрымдарын жыл аягына чейин чечип берүү боюнча тийиштүү жетекчилерге тапшырмаларды берген болсо, каражатты жана убакытты көп талап кылган көйгөйлөр келерки жылдын бюджетине киргизилээрин билдирди.

Белгилей кестек, шаар мэри 16-ноябрдан 22-ноябрга чейин шаардагы 5 аймактык башкармалыктын жашоочулары менен жолугушууларды өткөрөт.