1,932 Бардыгы /

ЖАЛАЛ-АБАД. Сузак милициясы коӊшу өлкөгө уурдалып өтүп кеткен жылкыларды кайтарып, өз ээлерине тапшырды.

Жалал-Абад ОИИБдин басма сөз кызматы билдиргендей, Сузак райондук ички иштер бөлүмүнө Барпы жана Атабеков айыл аймактарынын 4 тургуну арыз менен кайрылышкан. Алар өз арыздарында 5-апрелден 16-майга чейинки аралыкта жылкы жана кара малдарын белгисиз кылмышкерлер уурдап кетишкенин билдиришкен. Натыйжада арыз ээлерине 645 000 сомдук материалдык зыян келтирилген. Бул фактылар Сузак РИИБдин тергөө кызматы тарабынан Кыргыз Республикасынын Кылмыш-жаза кодексинин 205-беренесинин (Уурдоо) негизинде кылмыштардын бирдиктүү реестрине катталып, кылмыш иши козголгон.

Сузак районунун аймагында өтүп жаткан «Эктремист» аталышындагы иш-чара учурунда жогорудагы кылмыш иштеринин бети ачылган. Сузак РИИБдин кылмыш-иликтөө бөлүмүнүн кызматкерлери тарабынан жүргүзүлгөн ыкчам-иликтөө иштери жана Жалал-Абад ОИИБдин кылмыш-иликтөө бөлүмү, ИИМдин Баӊги заттарын мыйзамсыз жүгүртүүгө каршы күрөшүү кызматынын кызматкерлери менен биргеликте кылмыш иштерине шектүү катары Сузак районунун тургундары 1982-ж.т. Ж.А., 1993-ж.т. М.А., 1997-ж.т. Э.Ф. жана Аксы районунун тургуну1991-ж.т. А.Э. кармалып, убактылуу кармоочу жайга киргизилген.

Шектүүлөр уурдалган 2 жылкыны коӊшу Өзбекстан Республикасына өткөрүп жибергендиги аныкталып, Сузак РИИБдин кылмыш-иликтөө бөлүмүнүн кызматкерлери тарабынан жүргүзүлгөн сүйлөшүү иштеринин натыйжасында жылкылар кайтарылып, ээлерине өткөрүлүп берилди.

Өз кезегинде малдары табылганына кубанып турган жарандар милициянын аракетине жогору баа беришип, ыраазычылыктарын айтышты.

https://www.youtube.com/watch?v=gsfBemBdeY8 видео ушул ссылкада.