1,266 Бардыгы /

          ОШ. Талаптагыдай суу тармактарынын жоктугунан, ошондой эле каналдардын көпчүлүгүнүн тээ Совет доорунда суунун агымына  ыңгайлашып гана курулгандыгынан Ноокат районундагы Насирдин Исанов атындагы Айыл Өкмөтүнө караштуу сугат суунун 30-60 пайызы дээрлик жерге сиңип, андан ары жоготууга учурап жаткан маалы.

• Какаганга – муштагансып, айыл өкмөтүбүздүнаймагындагы

каналдар бүт дээрлик кумдуу жерлерге гана курулуп калган. – деп  тызылдады Ноокат районуна караштуу Насирдин Исанов атындагы айыл өкмөт башчысы Мирлан ПРИМКУЛОВ. – Анан дагы канал монолиттүү түрдө кыдырата бетондолгон эмес!.

          Ошентип, Ноокат районундагы Насирдин Исанов атындагы айыл өкмөтүнө караштуу чакан сугат каналдары жана дагы коллектордук дренаждык тармак ушул тапта чукул оңдоп-түзөөгө муктаж! А муну үчүн олчойгон өлчөмдө каражат зарыл. Буга айыл өкмөтүнүн өзүнүн мүмкүнчүлүгү чакталуу.

Алишер ТОКСОНБАЕВ, өз кабарчы