Аймак

ИШКЕРЛЕРДИ АЙЫЛ ӨКМӨТТӨР ДА КОЛДОП ТУРСА, ӨНҮГҮҮ ЖЕМИШТҮҮ БОЛОТ

ИШКЕРЛЕРДИ АЙЫЛ ӨКМӨТТӨР ДА КОЛДОП ТУРСА, ӨНҮГҮҮ ЖЕМИШТҮҮ БОЛОТ

 261 Бардыгы /

Жаңыдан уюшулган ишканалар үчүн жергиликтүү бийликтин колдоосу абдан чоң роль ойнойт. Өзгөчө айыл жеринде ишмердүүлүк жүргүзүп жаткан кыз-келиндер жергиликтүү бийликтин колдоосуна абдан муктаж.

Ишкердүүлүктү колдоо ишкерлердин туруктуу иштеп кетүүсүнө жана жергиликтүү экономиканын өнүгүүсүнө чоң өбөлгө түзөт. Бүгүнкү күнү айыл жерлеринде бийлик менен ишкерлердин кызматташуусу күчөп, биргеликте жаңы жумушчу орундарын түзүп жаткан учурлар көп. Буга мисал катары «Жаңы-Жол асылдары» кооперативинин ишмердүүлүгүн баса белгилеп кетсе болот.

2021-жылы Аксы районундагы Жаңы-Жол айылында айыл чарба продукцияларын кайра иштетүү боюнча жергиликтүү кыз-келиндердин демилгесин ишке ашыруу максатында «Жаңы-Жол асылдары» кооперативи түзүлгөн. Бүгүнкү күнү кооперативдин базасында жер-жемиштерди кайра иштетүү цехи ачылып, айылдагы кыз-келиндер кайналы, алма, карагат, долонодон компот, вареньелерди даярдап, элге сунуштап жатышат.

Кооператив өз ишмердүүлүгүн ийгиликтүү ишке ашыруу үчүн жергиликтүү бийлик менен тыгыз кызматташып,  жаңы жумушчу орундарын түзүү боюнча пландарын биргеликте талкуулашууда. Жаңы-Жол айыл өкмөтү (учурда Ак-Жол айыл өкмөтү)  консервация цехин жанааялдардындемилгесинколдоп,2024-жылы февраль айында Жаңы-Жол айылында жайгашкан муниципалдык менчикте турган имаратты айылдык кеңештин макулдугу менен10 жылга ижара келишиминин негизинде кооперативге өткөрүп берди. Келишимге ылайык биринчи 3 жыл ичинде аренда акысы женилдетилген түрдө бекитилген. Бул консервация цехинин туруктуу иштеп кетишине чоң өбөлгө жаратат. Бул мүмкүнчүлүктү пайдаланып кооператив айылдагы кыз-келиндер үчүн кошумча жумушчу орундарын түзүүнү жана өндүрүлгөн продукцияларды сатууну жакшыртуу пландары даярдалып жатат.

Бул иш-чаралар “Абад” коомдук фонду ишке ашырып жаткан жана Кыргыз Республикасындагы АКШ элчилиги тарабынан каржыланган  «Элет аялдарынын демилгеси менен жергиликтүү экономиканы өнүктүрүү» долбоорунун алкагында ишке ашырылып жатат.

Узакбай МАМАТКУЛОВ, Жалал-Абад облусу

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17