24 Бардыгы /

Баткен облусунун аймагында 2024-жылдын жаз жана жай айларында 95 сел кырсыктары катталып, жалпы чыгым 213 миллион 399 миң сомдон ашты. Турак жайы жашоого жараксыз үй-бүлөлөргө мамлекет тарабынан жалпысынан 29 миллион сом кенемте төлөнүп берилди. Бул туурасында Баткен облустук бийлигинин маалымат кызматынан кабарлашты.

Баса, быйыл апрель айынан тартып июлдун аягына дейре жаанчыл болуп, өлкөбүздө сел абдан көп катталган. Июнь айында селден Жеңиш айылында сел жүрүп. беш жаштагы наристе селге агып каза тапкан. Өзгөчө кырдаалдар министрлиги Кыргызстан боюнча быйыл тогуз айда селден 22 адам каза таап, 5354 турак жайды каптап, 102 үй авариялык акыбалга кетлегендигин шардана кылды. 135 автоунаа зыянга учурап, 138 үйдү капиталдык жактан оңдолуп-түзөлдү.