6 Бардыгы /

Кыргызстандын Түштүк башкалаасында 2023-жылы 62 миллион сомго бааланып, менчикке мыйзамсыз сатылган жер тилкеси акыры мамлекетке кайтырылды. Бул туурасында Ички иштер министрлигинин басма сөз кызматына билдиришти.

Ички иштер министрлигинин маалыматына караганда, аталган жер тилкеси  2023-жылы Ош шаарындагы Алишер Наови көчөсүндө жайланышып, муниципалдык менчикте гана турган. Көз карандысыз серепчилердин баамында, аталган тилке – 700 метр квадрат 62 миллион сомго бааланган. Жердин жаңы кожоюну бул аянтты автоунаа коюучу жай сыңары эле пайдаланган. Ошол себептүү аталган фактынын негизинде 2023-жылдын декабрында Кыргыз Республикасынын Кылмыш Кодексинин 337-беренесинин негизинде (Кызматынан кыянатчылык менен пайдалануу) кылмыш иши козголгон.

Ош облустук административдик соту 2025-жылдын 20-январында 62 миллион 300 миң сомго бааланган муниципалдык менчиктеги жер тилкесин акыры мамлекетке кайтарган. Жогорку Сот бул чечимди күчүндө калтырды.

Алишер ТОКСОНБАЕВ, өз кабарчы