27 Бардыгы /

11-майда К.Ш. Токтомаматов атындагы Эл аралык университеттин (ЭАУ, Жалал-Абад шаары) жыйындар залында Жалал-Абад шаарынын Балдар чыгармачылыгы үйүнүн “Сезим” бий тобунун жыйынтыктоочу концерти болуп өттү.

Аталган бий тобунун концертинде бир катар курактагы топтор ар кандай концерттик көрсөтүүлөрдү тартуулашты. Концерт абдан кызыктуу болуп, көрүүчүлөр жана чакырылган меймандар дүркүрөгөн кол чабуулардан аянбашты.

Жалпысынан концерт эң жакшы деген баага гана татыды! Жалал-Абад шаарынын Балдар чыгармачылыгы үйү ЭАУ ректоратына жана Маданий-эстетикалык борборуна акысыз берилген аянттарына жана техникалык колдоосу үчүн терең ыраазычылык билдирди!