1,603 Бардыгы /

         ОШ. Кыргыз Өкмөтүнүн Ош облусундагы өкүлчүлүгү кезектеги коллегиясында өткөн жылдын жыйынтыгын карады. Ага премьер-министр Мухаммедкалый Абылгазиев катышты.

            Маалыматка таянсак, 2018-жылда Ош облусунда 57 обьект курулуп, пайдаланууга тапшырылды.  Бир миң жүз жумушчу орун түзүлдү. Аймакта Дүйнөлүк Банк каржылаган 39 айылда 1 миллиард  478 миллион сомдук долбоорлор жүзөгө ашырылды. Ош облусунда жаратылыш кырсыктары коркунучу бар аймактарда дагыле 2 миң 575 үй-бүлө жашап келатышат. Буларды токтоосуз түрдө коопсуз жайларга көчүрүү кажет! Буга дейре 1 миң 434 үй-бүлө мамлекеттен ссуда дагы, жер тилкесин дагы алышып, эмдигиче эски журтунан таптакыр көчпөй келатышат.

            Премьер-министр Мухаммедкалый Абылгазиев жогорудагы фактыларды кайрадан санактап, айыл өкмөттөрүнө, район-шаардардын жана Ош облус жетекчилерине ийгилик гана каалап, кооптуу аймактагыларды токтоосуз көчүрүүнү дагы бир ирет катуу милдеттендирди.

  Алишер ТОКСОНБАЕВ, өз кабарчы