1,379 Бардыгы /

Коомчулукка белгилүү болгондой, Кыргыз Республикасынын Ош шаары ТҮРКСОЙ эл аралык уюму тарабынан 2019-жылы Түрк дүйнөсүнүн борбору деп жарыяланган.

Үстүбүздөгү жылдын 20-21 -апрель күндөрү Ош шаарында түрк тилдүү элдердин башын бириктирген “Ош – түрк дүйнөсүнүн маданий борбору” аталышындагы маданий иш-чара өттү.

Ага жалпысынан 12 мамлекет катышып, 250гө жакын шоу-бизнес жана маданият өкүлдөрү келишкен. Аталган иш-чаранын алкагында түрк элдеринин этнофестивалы, эл аралык илимий-практикалык конференция өткөрүлгөн.

Бул иш-чара Ош шаары менен бирге Кара-Кулжа районунда жана Жалал-Абад шаарында уланган. Айтылган иш-чаранын нугундагы Жалал-Абад шаарында этнофестиваль болуп, анын меймандары жана катышуучулары К.Ш. Токтомаматов атындагы Эл аралык университетке (ЭАУ) 22-апрель күнү таанышуу визити менен келишип, анын курамындагы Эл аралык Кыргыз-Түрк институтунун ишмердиги менен жакындан таанышышты.

Меймандар тизмесинде ТҮРКСОЙ эл аралык уюмунун башкы катчысынын орун басары профессор Фырат Пурташ, кеңешчиси Санжар Мүлазымоглу, Анкара шаарынын Этимескут шаар башкармалыгын вице-мэри Алаатдин Сонат ж.б. Жалпысынан айтылган иш-чаралар абдан жогорку деңгээлде өткөрүлгөн.

ЭАУнун Кесиптик багыт берүү жана коомчулук менен байланыштар кызматы