1,094 Бардыгы /

АНКАРА. Туркиянын Тышкы иштер министрлигинде эки тараптын жарандарынын өз ара беймарал катташуу маселеси кең-кесири талкууланды.

Өз ара сүйлөшүүнүн жүрүшүнө Кыргыз делегациясын жетектеген Кыргызстандын Тышкы иштер министрлигинин Консулдук кызмат Департаментинин директору А.Имангазиев, Кыргыз Өкмөтүнүн алдындагы Мамлекеттик миграция кызматынын төрагасынын орун басары С.Токтоболотов, Кыргыз ТИМинин жана Туркиядагы Кыргыз Элчилигинин өкүлдөрү, Туркия делегациясын жетектеген өлкөнүн Тышкы иштер министрлигинин Консулдук маселелелер боюнча Башкы дирекциясынын жетекчиси Эмине Эже Озбайоглу Ажарсой, Туркиянын Ички иштер министрлигинин Миграция кызматынын өкүлдөрү, үй-бүлө, Эмгек жана социалдык кызмат жана саламаттыкты сактоо министрлигинин кызматкерлери катышышты. Акырында тараптар консулдук жыйымды төмөндөтүүнү макулдашышты. Ошондой эле Туркияга виза ачтыруу максатында Кыргыз жарандарына Бишкек шаарында өзүнчө борбор дагы ишке киришмекчи.  

Ошентип, бул жолку макулдашууга ылайык Кыргыз жарандарынын Туркияда, ал эми Туркия жарандарынын Кыргызстанда жүрүү тартиби кыйла эле жөнөкөйлөштүрүлдү.

Алишер ТОКСОНБАЕВ, өз кабарчыбыз