1,210 Бардыгы /

БИШКЕК. Кыргызстандын Тышкы иштер министри Чыңгыз Айдарбеков өлкөбүздө жумушчу сапары менен жүргөн Европа Биримдигинин Борбор Азия боюнча Атайын өкүлү Петер Буриан менен жолугушту.

Жолугушуу маалында Кыргызстандын Тышкы иштер министри Чыңгыз Айдарбеков менен Европа Биримдигинин Борбор Азия боюнча Атайын өкүлү Петер Буриан Кыргыз Республикасы менен Европа Биримдигинин ортосундагы кеңейтилген өнөктөштүк жана кызматташтык жөнүндө жаңы Макулдашуунун долбоору боюнча сүйлөшүүлөрдүн жүрүшүн кең-кесири талкуулашты. Тараптар ошондой эле Кыргыз Республикасында Европа Биримдиги-Борборд Азия тышкы иштер министрлеринин кезектеги жолугушуусун, Тышкы иштер жана коопсуздук саясаты боюнча Европа Биримдигинин Жогорку өкүлүФ.Могерининин пландаштырылган иш-сапарын уюштуруу жана өткөрүү боюнча дагы өз ара кеңири пикир алмашышты. Мындан тышкары экономикалык өз ара аракеттенүүнү жигердештирүүнүн зарылчылыгына дагы токтолушту.

Кыргызстандын Тышкы иштер министри менен Европа Биримдигинин Борбор Азия боюнча Атайын өкүлү үстүбүздөгү жылдын 15-16-апрелинде Бухарест шаарында Румын тарабынын демилгеси менен уюштурулган «Туруктуу өнүгүү үчүн өз ара аракеттенүү» аталышындагы Европа Биримдигинин Борбор Азия боюнч жаңы Стратегиясыбоюнча дагы эл аралык конференциянын жыйынтыктарын оң баалашты.Мында Кыргызстандын Тышкы иштер министри Чыңгыз Айдарбеков 2020-жылы Кыргызстанда өткөрүлчү Парламенттик шайлоону эске алуу менен Кыргызстандын Шайлоо системасын реформалоодо Европа Биримдигинин колдоосунун мындан ары дагы улантылышынын маанилүүлүгүнө өзгөчө көңүл бурду. Кыргызстанда суу ресурстарын интегрирленген башкаруу боюнча долбоорду ишке киргизүүүнүн, ошондой элесанариптик трансформациялоосунун Улуттук программасына Европа Биримдиги тарабынан колдоо көрсөтүүнүн алкагынд кызматташуу боюнча приоритеттер дагы бир жолу тастыкталды.

Тараптар ошондой эле Кыргызстандагы уран калдыктарын сактоо жайлардын көйгөйлөрүн чечүү жаатында  биргелешкениш-пландарын дагы кең-кесири талкуулашты.

Алишер ТОКСОНБАЕВ, өз кабарчы