1,737 Бардыгы /

ОШ. Кыргыз Өкмөтүнүн Ош облусундагы ыйгарым укуктуу өкүлү Узарбек Жылкыбаев Орусиянын Кыргызстандагы жаңы Элчиси  Николай Удовиченкону кабыл алды. 

Жолугушуу маалында Орусиятарап Кыргызстандан табигый жана таза жашылча-жемишти алып турууга кызыкдар экендигин ачыктады. Ошондуктан, 2020- жылга пландалган “Достук” Кыргыз-Өзбек бажы өткөрмө бекетинин курулушун Орусия каржылап жатат. Ал жерде ЕврАзЭстин талабына ылайык келчү Фитосанитардык лаборатория кошо куруп берүү жагы дагы макулдашылган. Мындан тышкары Орусия жана Кыргызстан ЖОЖдоруна талапкерлерге квота кыйла көбөйтүлүп, чек ара заставаларына бронетехникалар дагы тартууланды. Эмки баскычта айыл чарбаны жана кайра иштетүүнү кубаттаган долбоорлор коюлуп, кичи жана орто ишкерлик туруктуу колдоого алынат. Буга чейин Ысык-Көл облусунда жемишти кайра иштетүүчү эки чакан ишкана каржыланган.

Өз кезегинде Кыргыз Өкмөтүнүн Ош облусундагы ыйгарым укуктуу өкүлү Узарбек Жылкыбаев Орусиядагы  Кыргыз мигранттарына карата жылуу мамилеси үчүн Орусия Элчисине терң ыраазычылыгын билдирип, айдоочулук күбөлүктү тааныгандыгы үчүн ушул тапта такси кызматынан киреше тапкан 120 миң мекендешибиздин жумуш менен камсыз болгондугун терең канаттануу менен белгиледи. Эко жана экстремалдык туризмди, ошондой альпинизмди өнүктүрүүгө дагы чакырды. Маалымат катары айта кетсек, Кыргызстандагы бийиктиги боюнча дүйнөдө экинчи орунда ээлеген Ленин чокусуна бул сезон июль айында гана ачылат.

Ушул тапта Ош аэропортунан Москва шаарына 1 күндө 3-4 каттам учат. Мындан тышкары Орусиянын 18 шаарына дагы авиа каттам бар. Булардын айрымдары Бишкек шаарында дагы жок. Ушул фактылар эле эки мамлекеттин ортосундагы алакалар улам тереңдеп бараткандыгын гана ырастайт.

Алишер ТОКСОНБАЕВ, өз кабарчы