1,330 Бардыгы /

Өзбекстандык укук коргоочулар тобу эл аралык коомчулуктан өзбек пахтасына бойкот жарыялоону азырынча токтотпоого чакырды. Алардын кайрылуусу Борбор Азиядагы эмгек укуктары боюнча байкоо миссиясынын сайтында жарыяланды.

Билдирүүдө “Биз 2018-жылдын 15-ноябрына чейин шахтачылар, электрик, химзавод жумушчулары, милиция, аскер кызматкерлери, ишкерлер, банк кызматкерлери алыскы аймактарга пахта чогултуу үчүн мажбурлап жөнөтүлгөнүнө күбө болдук” деп айтылат.

Активисттер мажбурлап коомдук иштерге тартуу тыйылмайын, бойкот сакталышы керек деп эсептешет.

Апрелде Эл аралык эмгек уюму 2018-жылы Өзбекстанда 170 000 киши мажбурлап пахта терүүгө жөнөтүлөнүн кабарлаган.

25-мартта АКШ өзек пахтасына киргизилген тыюну жокко чыгарган.

Эл аралык Cotton Campaign (Пахта кампаниясы) коалициясына эмгек жана укук коргоо уюмдары, инвесторлор, бизнес-уюмдар кирет. Ал 2010-жылы балдар эмгеги колдонулганына байланыштуу өзбек пахтасына бойкот жарыялаган. Акцияны жүздөн ашык дүйнөлүк бренддер – Nike, Zara, GAP, Levi’s, H & M, UNIQLO жана башкалар колдогон.

Cotton Campaign коалициясынын өкүлдөрү февралдын башында Вашингтондо Өзбекстандын премьер-министринин орун басары Танзила Нарбаева баштаган делегация менен жолугушкан. Сүйлөшүүлөр учурунда Cotton Campaign Өзбекстанда мажбурлап иштетүүнү токтотуу боюнча кабыл алынган чараларды жогору баалаган. Ошол эле маалда мажбур эмгек күчүн колдонууну жоюу үчүн дагы көп иш жасалышы керек экени белгиленген.

www.