634 Бардыгы /

Түркмөнстандын Мары облусунда мамлекеттик «Түркмөнгаз» ишканасынын жумушчулары маяналары кечиктирилип жатканына даттанышууда. Бул тууралуу «Азаттык» радиосунун түркмөн кызматы кабарлады.

«Түркмөнгаздын» жумушчуларынын көбү айлыктарын ала элек. Адатта аларга маяна ар бир айдын 20сына чейин берилип келген. Жумушчулар күн сайын эсепчинин эшигин каккылап жатышат. Бирок эсепчи айлык качан берилерин билбей турганын билдирүүдө», — деп жазды басылма ишкана кызматкерлерине шилтеме кылып.

Азырынча жумушчулардын маянасынын кечиктирилип жаткандыгы боюнча «Түркмөнгаздын» өкүлдөрүнөн расмий комментарий алууга мүмкүн болгон жок.

«Туркмөнгаз» концерни Түркмөнстандагы ири мамлекеттик компаниялардын бири болуп эсептелет.

www.