1,645 Бардыгы /

Жалал-Абад шаарындагы Спутник аймактык башкармалыгындагы Т. Юлчибаев көчөсүнө биринчи жолу асфальт төшөлдү.

Шаар ичиндеги маанилүү жолдордун катарын толуктаганы менен буга дейре жада калса союз мезгилинде да каралбай келген. Аталган көчөдө 300 гө жакын калк жашап, жалпы узундугу 482 метрге жетет. Шаар тургундары чаң көчөдөгү ынгайсыздыкарды жоюп берүү талабы менен жергиликтүү бийликке кайрылган. Сураныч аткарылганына кубанган жашоочулар көчөнүн ачылуу аземине сый-дасторкон уюштуруп, ага калаа мэри Мураталы Тагаев да катышты.

Эске сала кетсек, үстүбүздөгү жылы Жалал-Абад шаарында борбордук көчөлөрдөн Токтогул көчөсү афсалтталып колдонууга берилсе, Чехов көчөсүнүн кеңейтүү иштери аяктаган. Ошондой эле Пушкин көчөсүн кеңейтүү иштери жүрүп жатат.

Роза АКМАТЖАН кызы, “Аймак”