818 Бардыгы /

БИШКЕК. Президент Сооронбай Жээнбеков Түрк тилдүү мамлекеттердин кызматташуу Кеңешинин (ТТМКК) Башкы катчысы Багдад Амреевди кабыл алды.

ТТМКК Баш катчысы Багдад Амреев Кыргызстандын Түрк Кеңешиндеги төрагалыгынын жыйынтыктары, Катчылыктын 2019-жылдын 14-15-октябрында Азербайжанда өтө турчу ТТМКК Саммитине даярдыгы тууралуу маалымат берди. Ал эми Президент Сооронбай Жээнбеков ТТМККны түзүү жөнүндө Нахичеван макулдашуусуна кол коюлгандыгынын он жылдыгы бүгүн экендигин жана дал ушул күнү жолугушуунун символикалуулугун дагы баса белгиледи.

Багдад Амреев Кыргызстандын төрагалыгы ТТМККнын тарыхында эң ийгиликтүү болгондугун белгиледи. Кыргыз Республикасынын төрагалыгы мезгилинде Венгрия байкоочу макамына ээ болуп, Өзбекстан Уюмдун толук укуктуу мүчөсү болду. Ошол эле учурда Венгриянын борбору Будапештте Түрк Кеңешинин Европа Өкүлчүлүгү ачылды. Мындан тышкары Түрк Кеңеши түптөлгөндөн кийинки он жыл аралыгында 55 иш чара, мунун ичинен 15и —Кыргыз Республикасынын төрагалыгында өткөндүгүн жашырган жок. Багдад Амреев Түрк тилдүү мамлекеттердин кызматташуу Кеңешинин азыркыТөрагасы —Кыргыз Республикасынын Президентинин тапшырмасы менен Катчылык экономикалык тармакта институционалдаштыруу кызматташтыгы боюнча активдүү иштерди жүргүзүп жаткандыгына өзгөчө көңүл бурду.

Мунун ичинде Түрк тилдүү мамлекеттердин кызматташуу Кеңешинин Түрк инвестициялык-интеграциялык Фондунун концепциясы бекитилип, документтердин акыркы долбоору иштелүүдө. Түрк Кеңеши түзүлгөндөн бери биринчи жолу биргелешкенТүрк Соода өнөр жай палатасы түптөлүп, 2019-жылдын июлунда Стамбул шаарында кеңсеси дагы ачылды.

Президент Сооронбай Жээнбеков Түрк Кеңеңешине Өзбекстандын мүчөлүгү, ошондой эле үстүбүздөгү жылдын сентябрында Будапешт шаарындаТүрк Кеңешинин Европа Өкүлчүлүгүнүн ачылышы тарыхый мааниге ээ экендигин баса белгиледи.

Алишер ТОКСОНБАЕВ, өз кабарчы