Аймак

НУР-СУЛТАНДА ПОДСТАНЦИЯДАГЫ АВАРИЯГА БАЙЛАНЫШТУУ ӨКМӨТТҮК КОМИССИЯ ТҮЗҮЛӨТ

НУР-СУЛТАНДА ПОДСТАНЦИЯДАГЫ АВАРИЯГА БАЙЛАНЫШТУУ ӨКМӨТТҮК КОМИССИЯ ТҮЗҮЛӨТ

 749 Бардыгы /

Нур-Султанда жекшембиге караган түнү болжол менен жергиликтүү подстанциядагы авариядан улам шаардын айрым райондору бир суткадан ашык электр жарыгысыз калган.

11-ноябрда Нур-Султан акимчилиги тогуз көп батирлүү турак-үйгө, президенттик администрациянын, парламенттин, өкмөттүн жана Жогорку соттун имаратына электр энергиясын берүү калыбына келтирилгенин билдирди.

Жекшемби күнү калаа тургундары бир катар райондордо жарык жоктугуна жана айрым көчөлөрдөгү жол чырактары иштебей жатканына даттанышкан. Жергиликтүү ЖМКлардын маалыматына караганда, электр жарыгы авариялык түрдө түнкү саат экилерде өчкөн. Жекшемби күнү Нур-Султан шаарынын акими Алтай Кульгинов «Левобережная» подстанциясындагы кабелдик линияларды калыбына келтирүү иштери жүрүп жатканын жана жумушчулардын коопсуздугу үчүн бир катар турак-жай комплекстер менен объектилерде жарык өчүрүлгөнүн билдирген.

Казакстан президентинин басма сөз катчысы Берик Курмангалинин айтымында, өлкө башчы бул аварияга байланыштуу өкмөткө атайын комиссия түзүү тапшырмасын берди.

Июлдун ортосунда Алматы шаары менен Алматы облусунун айрым аймактары бир канча саат электр жарыгысыз калган. Мындан улам калаа көчөлөрүндө автоунаалардын узун тыгыны жаралып, метро ишин токтоткон. Расмий маалыматтарга ылайык, буга жергиликтүү жылуулук электр борборунун ишиндеги мүчүлүштүктөр себеп болгон.

WWW.

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17