Аймак

ЖУРНАЛИСТ МААЛЫМАТ БЕРБЕГЕНДИГИ ҮЧҮН ОШ МЭРИЯСЫНЫН ҮСТҮНӨН ПРОКУРАТУРАГА ДАТТАНДЫ

ЖУРНАЛИСТ МААЛЫМАТ БЕРБЕГЕНДИГИ ҮЧҮН ОШ МЭРИЯСЫНЫН ҮСТҮНӨН ПРОКУРАТУРАГА ДАТТАНДЫ

 685 Бардыгы /

ОШ. Эркин журналист Гүлзат Газиева Ош шаардык прокуратурасына кайрылып, журналистти маалымат менен камсыздоону Ош шаардык мэриясына милдеттендирүүнү жана мыйзам чегиндеги маалымат менен жабдыбагандыгы кызматкерин жоопкерчиликке дагы тартууга милдеттендирүүнү катуу суранды.

Айтмакчы, эркин журналист Гүлзат Газиева өзү белендеп жаткан журналисттик иликтөөсүнө колдонуу үчүн маалымат сурап, Ош шаардык мэриясына эки ирет  кайрылган. Адегенде үстүбүздөгү 2019-жылдын 19-сентябрында Ош шаардык мэриясына караштуу Муниципалдык менчик башкармалыгынын башчысы Ашымжан Семетеевге кат жолдогон. Анда Ош шаарынын муниципалдык менчигиндеги жер тилкелердин, обьекттердин жана жашыл тилкелердин реестри, жалпы аянты, орду, электрондук, же документалдык картасы, коомдук пайдалануудагы, же сейил бак аймактарындагы жер тилкелердин жайгашкан ордун көрсөтүү менен кимдерге, канча мөөнтөкө ижарага берилгендигиалардан түшкөн төлөмдөр жөнүндө кеңири маалымат берүүнү гана өтүнгөн. Мындан тышкары бош жаткан муниципалдык жер тилкелердин жана обьекттердин тизмесин жана даректерин дагы сураган.

Гүлзат Газиева жергиликтүү бийликтен эмдигиче маалымат албагандыгын ачыктады:  – Мен толук бир документти сурасам, мэриянын Муниципалдык менчик башкармалыгы бир сүйлөм менен гана жооп кайтарды. Ошондуктан, толук жооп сурап мэрияга аргасыздан кайрылдымОш шаар мэриясы дагы талабымды дээрлик толук канааттандырган жок! Айла куруганда, Ош шаардык мэриясынын муниципалдык менчикте турганжер тилкелерине менчик же ижара укугун берүү боюнча комиссиясынын төрагасы, вице-мэр Жасур Азимовго дагы кат жолдодум. Анда аталган комиссиянын 2018-2019-жылдарда өткөн отурумдарынын протоколдору, аукциондор боюнча комиссиянын чечимдери жана аукциондорго кайсыуюмдаржеке тараптар катышканын ачык сурагам. Тилекке карашы, булар жашыруун маалымат экендигин айтып, опоңой кутулушту. Ошондуктан, Ош шаардык прокуратурасына бир эле мезгилде эки арыз менен даттандым.

Ош шаардык прокуратурасынын аты-жөнүн атоодон тайсалдаган кызматкери журналист Гүлзат Газиеванын арызы катталгандыгын, он төрт күн аралагында гана каралып, анан арыз ээсине расмий жооп бере турушкандыгын кошумчалады.

Алишер ТОКСОНБАЕВ, өз кабарчы

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17