748 Бардыгы /

ОШ. Ош облусунун Кара-Суу районундагы «Достук» көзөмөл-өткөрүү бекетинин жетекчиси Талант Айтбаев жумушунан убактылуу четтетилди.

Бирок, буга дейре Ош облусу боюнча чек ара башкармалыгынын чек ара көзөмөлүн уюштуруу бөлүмүнүн подполковниги Талгат Аланов Оштогу АКИпресс маалымат агенттигинде маалымат жыйынын өткөрүп,  «Достук» көзөмөл-өткөрүү бекетиндеги жемкорлук жоруктады ачыктаган. Ал өзгөчө «Достук» бекетиндеги Чек ара кызматкерлери дипломатиялык унаадагы кытайлык жарандардан негизсиз 600 доллар алганын билдирген.Бирок, Мамлекеттик Чек ара кызматынын Ош облусу боюнча башкармалыгынын башчысынын орун басары Адылбек Сейдалиев подполковник айткан дооматтарды четке кагып келатат.

Бул арада Ош облусунун Кара-Суу районундагы «Достук» көзөмөл-өткөрүү бекетинин жетекчиси Талант Айтбаев жумушунан убактылуу четтетилгендигин уккандыгын, бирок, тиешелүү буйрукту али көрө электигин кошумчалады: – Буйрук менен тааныштым. Бирок, Талгат Алановдун арызы боюнча эмес, башка себептерден улам убактылуу гана четтетилдим. Кытайлык жарандардан кыргызстандык чек арачылар 620 доллар алган делген окуяга менин эч кандай тиешем жок! Мен кызматыма өткөн жылы гана дайындалгамын.

Талант Айтбаевдин убактылуу жумушунан четтетилгендигин  Мамлекеттик чек ара кызматынын басма сөз кызматы дагы тастыктады: – Талант Айтбаев ушул жылдын ноябрь айынын башында «Достук» көзөмөл-өткөхрүү бекетинен белгисиз жарандардын мыйзамсыз өтүү аракетине жол берген деген жүйөө менен убактылуу иштен четтетилген.
Буга дейре Талгат Аланов Ош облусундагы «Эркештам» жана «Достук» көзөмөл-өткөрүү бекеттериндеги кызматкерлер туристтерден 200-600 доллар алып жатышкандыгын жар салган.

– Ушул эле жылдын жай айында «Ош» Эл аралык аэропортун текшерип жүргүндө, Туризм министринин кеңешчиси бизге телефон чалып, «Достук» бекетиөен кытайлыктардын дипломатиялык унаасындагы жарандардан 600 доллар алыптырсыңар!» деди. Андан мурун эле кеңешчи ошол кытайлык жарандарды чек арадан өткөрүп коюуну өтүнгөн. Мен «Достук» бекети менен байланышып, «Карап койгула!» деп гана катуу эскерткем. Мен дайындаган адам жумуштары менен башка жакка кетип калышып, чек ара кызматкерлери кытайлык жарандардан 620 доллар алып коюшуптур. Ал жерде видеокамералар бар. Мен териштирип, ким алганын дароо тапкам. Акчаны кайрадан кеңешчинин өзүнө кайтарып бергенбиз. Бирок, кийин күнөөсү жок элен кызматкер жумуштан алынып, чыныгы күнөөкөр алынган жок! – деп тызылдады буга чейинки Ош облусу боюнча чек ара башкармалыгынын чек ара көзөмөлүн уюштуруу бөлүмүнүн подполковниги Талгат Аланов Талгат Аланов.

Алишер ТОКСОНБАЕВ, өз кабарчы