731 Бардыгы /

ЖАЛАЛ-АБАД. 2020-жылдын 10-февраль күнү Сузак райондук өзгөчө кырдаалдар бөлүмүнүн өрт өчүрүү жана алдын алуу бөлүмчөсүнүн кызматкерлери тарабынан алдын алуу иш-чаралары жүрүп жатат. Бул тууралуу Сузак райондук ӨКБнүн ӨӨжААБнүн улук офицери, капитан А.Иманов билдирди.

Маалыматка ылайык, Сузак айыл аймагынын Сузак айылында жайгашкан балдар медресесине, Арал айылындагы №36 Г. Гулям жана Ырыс айыл аймагынын Масадан айылында жайгашкан №44 Фуркат атындагы орто мектебинин мугалимдерине жана окуучуларына күнүмдүк турмушта «Өзгөчө кырдаалдар жана өрт кырсыктары болгондо көрүлүүчү чаралар жана иш-аракеттер» деген темада түшүндүрүү иштери 25 мугалимдердин жана 345 окуучулардын катышуусунда түшүндүрүү иштери жүргүзүлгөн.

Сузак райондук ӨКБнүн ӨӨжАА бөлүмү төмөндөгүлөрдү билдирет.

Өрт кырсыгы болбосун десек биринчи кезекте анын алдын ала билгенибиз оң. Маселен жаш балдарыбызды ширенке менен ойноосуна жол бербөө, жасалма электр жылыткычтарын пайдаланбай, электр зымдарын талаптагыдай туташтыруу өңдүү шарттарды аткарганда гана биз өрт кырсыгынан алыс болобуз!

Сузак райондук өзгөчө кырдаалдар бөлүмүнүн өрт өчүрүү жана алдын алуу бөлүмү тарабынан жер жерлерде жана мектептерде өрт кырсыгын алдын алуу максатында жаш окуучуларга түшүндүрүү ишин улантып келе жатышат.

“Аймак”