732 Бардыгы /

Түркмөнстан өкмөтү улуттук валютанын курсун америка долларына карата өзгөртүүнү пландоодо. Бул тууралуу “Азаттыктын” түркмөн кызматы Түркмөнстандын Борбордук банкындагы өз булактарына таянуу менен билдирди.

Өз булактын кабарлашынча, жаңы курс боюнча 1 АКШ доллары 8-10 манат болору күтүлүүдө.

Түркмөнстанда 2015-жылдан бери улуттук валютанын курсу өзгөрбөй, расмий түрдө 1 АКШ доллары 3,5 манат бойдон сакталып турат. 2016-жылдан бери валютаны нак түрдө алмаштырууга тыюу салынган.

Андан бери түркмөнстандыктар банк карталары аркылуу гана манаттарын долларга алмаштырып келишкен. Бирок 2017-жылы Түркмөнстандын Тышкы экономкалык банкы чет өлкөдө конвертация жасоого да чектөө киргизген.

“Азаттыктын” түркмөн кызматы билдиргендей, 10-февралда көмүскө валюта рыногунда 1 доллардын наркы 20,2 манатты түзгөн. АКШ доллары кара базарда расмий бекитилген баадан беш эсе жогору турат.

www.