Сириядагы лагерлерде 500дөн ашуун тажикстандык аялдар менен балдар – бир нече жыл мурун “Ислам мамлекети” террордук тобуна кошулуп кеткен жоочулардын үй-бүлө мүчөлөрү бар.

Тажикстанын Сириядагы убакылуу дипломатиялык өкүлчүлүгү коопсуздукка байланыштуу маселелер чечилер замат өз ишине киришет. Тажик дипломаттары аялдар менен балдарды каттоого алуу, ДНК анализдерди жүргүзүү жумуштарын аткарышат.

– Тилекке каршы, тажик дипломаттары азыркыга чейин лагерлердеги качкындарды кыдырууга уруксат алыша элек. Себеби лагерлер күрддөрдүн “Сириянын демократиялык күчтөрү” көзөмөлдөгөн аймактарда жайгашкан, – деп кошумчалады өз булак.

Былтыр декабрда тажикстандык аялдар суук түшкөндөн бери күрддөр көзөмөлдөгөн аймактагы Эль-Хол лагеринде гуманитардык жардам начарлаганын билдиришкен. Бул лагерде он миңден кем эмес чет өлкөлүк качкын кармалып турат, алардын 400дөн ашууну тажикстандыктар.

Өткөн аптада Бирикке Улуттар Уюму (БУУ) дүйнө коомчулугуна кайрылып, сирия лагерлериндеги жарандарын алып чыгып кетүүнү өтүнгөн. Сирия лагерлеринде жана түрмөлөрүндө ИМдин 100 минден ашуун жоочулары, алардын үй-бүлө мүчөлөрү бар. Көптөгөн өлкөлөр, анын ичинде Орусия Эль-Хол лагеринен өз жарандарын алып кеткени айтылууда.

2019-жылы апрелде Душанбе Ирактан тажик жоочуларынан калган 84 баланы кайтарып келген.