1,375 Бардыгы /

ЖАЛАЛ-АБАД. 11-февралда коңшу өлкөдө кулачын жайып жаткан жугуштуу оорунун баштапкы белгилери, анын алдын алуу боюнча кеңири маалыматтар берилди. Бул тууралуу Жалал-Абад ОИИБдин басма сөз кызматы маалымдады.

Маалым болгондой, Аксы РИИБнин өздүк курамына райондук оорукананын терапевт врачы Айнура Наркулова атайын сабак өтүп, курч дем вирустук оорулардын анын ичинде короновирустан коргонуу жолдору тууралуу айтып берди.

Аксы РИИБнин кызматкерлери жыйындан соң Кербен шаарында, Үч-Коргон, Жаңы-Жол, Кашка-Суу айылдарында ата-энелер менен жолугушууларды өткөрүштү. Мектеп мугалимдери, окуучулар катышкан жыйындарда үй-бүлөлүк зордук-зомбулуктун, жаш өспүрүмдөр арасындагы кылмыштуулуктун жана топтошуп мушташуулардын, маңзат, спирт ичимдиктери, тамеки чегүүлөрдүн, суициддин, ар кандай терс көрүнүштөрдүн алдын алуу маселелери талкууга алынды.

Ошондой эле окуучулар арасындагы спорттук мелдештер уюштурулуп, жеңүүчүлөргө кубок, медалдар ыйгарылып, сабактарга активдүү катышып, тартиби жакшы жана мыкты окуган окуучуларга ардак грамоталар тапшырылды.

“Аймак”