1,062 Бардыгы /

Өзбекстандын Билим берүү министрлиги Тажикстандын жогорку окуу жайларында окуп жаткан жарандарын чакырууда. Жалпысынан коңшу өлкөдө 5 миңге жакын өзбекстандык студент бар.

Өзбек бийлиги мекенине кайтып келген студенттердин бардыгы окуусун Өзбекстанда улантууга мүмкүнчүлүк аларын билдирүүдө. Бирок азырынча бул пландын кандай ишке ашары белгисиз.

Тажикстандын мыйзамдарына ылайык, студенттер башка окуу жайга жайкы сессияны тапшыргандан кийин гана которула алышат. Андыктан азыр өзбекстандык студенттер документтерин ала алышпайт.

Бирок учурда Тажикстанда окуган өзбек жарандары сынактарды тапшырганын ырастай турган академиялык маалымкат алууга аракет кылышууда. Студенттердин айтымында, бул үчүн Өзбекстандын Билим берүү министрлиги аларга 15-февралга чейин убакыт берген. Кечиккендер мекениндеги окуу жайларга тапшыра албай калышат. Азырынча Өзбекстанда аларды бул маалымкаттардын негизинде окууга кабыл алаар-албасы белгисиз.

www.