1,225 Бардыгы /

Ашхабадда сабакта мобилдик телефон колдонгон мектеп окуучуларына айып пул салынууда. Бул тууралуу “Азаттыктын” түркмөн кызматы кабарлады.

Маалыматка караганда, акыркы жумада эки мектепте мобилдик телефон көтөргөн окуучуларды мектеп директорлору полиция кызматкерлерине тапшырып беришкен. Полиция бөлүмүндө окуучулар мындан ары телефон колдонбоо жөнүндө тилкат жазышкан. Мындан тышкары алардын ата-энелерине айып пул салынган.

– Полиция бөлүмүнө ата-энелерди чакырышып, 100 манат (Расмий курс боюнча 3,5 манат 1 АКШ доллары) айып пул төлөөнү талап кылышууда. Айып пул төлөнгөндөн кийин гана окуучулардын телефондорун кайтарып беришүүдө, – деди “Азаттыктын” кабарчысы.

Түркмөнстанда жыл башынан бери мектептерде мобилдик телефон колдонууга тыюу салынууда. Чектөө бир эле окуучуларга эмес мугалимдерге, медициналык мекемелердин кызматкерлерине да тиешелүү.

www.