Аймак

КАРА-СУУДА ООГАН СОГУШУНУН УРМАТЫНА БМПнын ЭСТЕЛИГИ ОРНОТУЛДУ

КАРА-СУУДА ООГАН СОГУШУНУН УРМАТЫНА БМПнын ЭСТЕЛИГИ ОРНОТУЛДУ

 1,096 Бардыгы /

ОШ. Кара-Суу шаарында Ооган согушунун курмандыктары эскерилип, шаардагы Жоомарт Бөкөнбайе атындагы сейил бакка «БМП» (жөө жоокерлердин аскердик автоунаасынын) эстелиги орнотулду.

Эскерүү салтанатына Кара-Суу районунун аймагындагы бардык Ооган согушунун катышуучулары катышып, аларга  арналып орнотулган айкелге гүлчамбарларды коюшту. Буга улай Чоң-Алай районундагы борборлоштурулган китепканада айылдык китепканалардын башчылары «Эрдик эскирбейт, эмгек унутулбайт!» аталыштагы тематикалык кече өткөрүштү. Ага райондогу жети Ооган ардагери чакырылган.
Мындан тышкары Ноокат районундагы тарых музейинде дагы Ооган согушунун курмандыктары эскерилди. Анын жүрүншүндө мектеп окуучулары тарабынан даярдалган сахналаштырылган сцена тартууланды. Ал эми Ооган согушунун ардагерлери гитаранын коштоосунда жоокер ырларын созолонтушту.

Баса, быйыл Советтик Армиянынын Ооганстандан чыгарылганындыгына туптуура 31 жыл толду. Анткени, 1989-жылы 15-февралда советтик аскерлер Ооганстанды толугу менен таштап кетишкен.

Алишер ТОКСОНБАЕВ, өз кабарчы

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17