2,721 Бардыгы /

Жалал-Абад шаарында №9 Раатбек Санатбаев атындагы инновациялык мектебинде “Тилдердин достугу” атылышында маданий иш-чара өттү. Бул тууралуу шаардык мэриянын басма сөз кызматынан маалымдашты.

Бул саамалык 21-февраль – Эл аралык эне тил күнүнүн алкагында уюштурулду. Анын негизги максаты, өсүп келе жаткан муундардын арасында улут аралык ынтымакты бекемдөө, алардын тилин жана маданий баалуулуктарын даңазалоо болуп саналат.

Эл аралык эне тил майрамын Жалал-Абад шаарынын аймагында жогору деңгээлде белгилөө жөнүндө ушул жылдын 14-февралында калаа мэриясынын атайын буйругу да кабыл алынган. Анын негизинде жер-жерлерде этностук топтордун тарыхын, үрп-адатын сайылтуу боюнча жыйында өткөрүлүүдө.

Белгилей кетсек, бул күн 1999-жылы Бириккен Улуттар уюмунун агартуу, илим жана маданият маселелери боюнча уюму – ЮНЕСКО тарабынан жарыяланган.

“Аймак”