801 Бардыгы /

К.Ш. Токтомаматов атындагы ЭАУнун студенти Досалиева Нурзат алыш күрөшү боюнча мелдеште дагы бир ирет ийгиликке жетишти. Бул тууралуу ЭАУнун кесиптик багыт берүү жана коомчулук менен байланыштар кызматынан кабарлашты.

Бул ирет ал коомдук ишмер Кадыркулов Урматбектин элесине арналган Кыргыз Республикасынын алыш күрөшү боюнча ачык кубогунда III орунду ээледи. Мелдеш Нарын областынын Кочкор районунун Ак-Жар айылында үстүбүздөгү жылдын 14-15-февраль күндөрү өткөрүлгөн.

Бул мелдешке Кыргызстандан, Казакстандан, Тажикстандан жана Өзбекстандан 110 спортчу катышып, мелдеш курч атаандаштыкта өттү. Белгилүү болгондой, Нурзат Досалиева буга чейин да бир катар мелдештерде байгелүү орундарга жетишип келген.

Белгилей кетсек, ал Гуманитардык-экономикалык колледжинин “Укук таануу” адистиги боюнча 1-курста окуйт.

“Аймак”