1,237 Бардыгы /

Бүгүн, 21-февраль күнү  Жалал-Абад шаарындагы Барпы драма театрында 23-февраль – Ата Мекенди коргоочулардын күнүн утурлай салтанат уюштурулду.

Шаардык мэриянын басма сөз кызматы маалымдагандай майрамдык саамалыкка областтык жана жергиликтүү бийлик өкүлдөрү, мекеме ишканалардын жамааттары, ошондой эле күч түзүмдөрүнүн кызматкерлери катышты.

Шаардын вице-мэри Руслан Алтымышев бул дата өлкө эгемендүүлүктү алгандан кийин да өз актуалдуулугун жоготпой, мекенди коргоо идеясын жана мекенди коргоочулардын образын улам кийинки муунга калтырып туруучу күнгө айлангандыгын айтып өттү.

Азыркы учурда бул бир гана аскер кызматы жаатында эмгектенгендердин эмес, өлкөнүн өнүгүүсүнө ар тараптуу салым кошуп келе жаткан эр-азаматтардын да майрамы экенин белгиледи.

Иш-чаранын алкагында аскер кызматы жаатында эмгектенгендердин жана шаардын өнүгүүсүнө салым кошуп келе жаткан бир катар кызматкерлер сыйланып, чакан майрамдык концерт тартууланды.

“Аймак”