1,738 Бардыгы /

2020-жыл – Региондорду өнүктүрүү, өлкөнү санариптештирүү жана балдарды колдоо жылына карата Кара-Көл ШИИБнин жетекчилигинин демилгеси менен бир катар профилактикалык иштер жүргүзүлүүдө. Бул тууралуу Жалал-Абад ОИИБдин басма сөз кызматы маалымдады.

Маалым болгондой, шаар аймагындагы мектептерде мугалимдер, социалдык өнүгүү бөлүмүнүн кызматкерлери менен биргеликте ата-энелерге жана окуучуларга түшүндүрүү жумуштары алып барууда. Милиция кызматкерлери тарабынан өспүрүмдөр арасындагы топтошуп мушташуулардын, мектеп рекетчилиги, ар түрдүү кылмыш жана кырсыктардын алдын алууга багытталган жыйындар өткөрүлүп, ата-энелерге балдарын сабактан сырткары көзөмөлгө алуу керектиги эскертилген. Ошондой эле эрте турмуш куруунун терс жактары айтылып, айдоочулук күбөлүгү жок балдарына унаа башкартууга болбой тургандыгы белгиленген. Милиция кызматкерлери үй-бүлөлүк зордук-зомбулуктардын алдын алуу, балдарды ар тараптуу колдоо жана алардын мыкты кесип тандоосуна ата-энелер түрткү болуп, келечекте өлкөбүздүн өнүгүүсүнө салым кошууга чакырышты.

“Аймак”