873 Бардыгы /

ЖАЛАЛ-АБАД. Тогуз-Торо районунда Түндүк-Түштүк атаандаш автожолун куруп жаткан «Чайна-Роуд» компаниясынын кызматкери, кытайлык жаран дагыле табыла элек. Бул тууралуу Өзгөчө кырдаалдар министрлигинен кабарлашты.

Кытайлык жаранды издөө иштери 10-июлда, компания өкүлдөрү расмий органдарга кабар бергенден кийин гана башталган. Компаниянын маалыматына караганда 41 жаштагы Кытай улутундагы эркек киши 6-июль күнү саат 14:00 чамасында чыккан бойдон кайтып келген эмес. Өзгөчө кырдаалдар министрлиги издөө иштери улантылып жаткандыгын, ага беш куткаруучу тартылгандыгын кабарлады.

Баса, Түндүк-Түштүк альтернативдик автожолун 2023-жылы пайдаланууга берүү пландалууда. Дээрлик 500 миллион  долларга бааланган түндүк-түштүк альтернатив жолунун жалпы узундугу 433 чакырымды түзөт.

Алишер Токсонбаев, өз кабарчы