2,262 Бардыгы /

2010-жылдан бери Сузак районунун акиминин орун басары болуп иштеп келген Төрөгелди Түркбаев аким болуп дайындалды. Тиешелүү буйрукка 13-ноябрь күнү президенттин милдетин аткаруучу, премьер-министр Садыр Жапаров кол койгон.

Аймактык кабарчы билдиргендей, аны бүгүн, 16-ноябрда район активине өкмөттүн Жалал-Абад облусундагы ыйгарым укуктуу өкүлү Абсаттар Сыргабаев тааныштырды.

Буга чейин акимдик кызматты аркалап келген Эрмекбай Омошев бийлик алмашкандан соң өз арызы менен жумуштан кеткен болчу.

Өмүр баяны:

Түркбаев Төрөгелди Калыбекович 1960-жылы Жалал-Абад облусунун Сузак районунун Жыгач-Коргон айылында туулган. 1983-жылы К.И.Скрябин атындагы Кыргыз айыл чарба институтун аяктаган. Кесиби инженер-гидротехник. Мамлекеттик кызматтын отличниги.

Эмгек жолу:

– 1983-1990-жылдары Сузак райондук сугат тармактар башкармалыгында ага инженер, участканын башчысы, бөлүм башчы;

– 1990-1991-жылдары Тогуз-Торо райондук сугат тармактар башкармалыгында башкы инженер;

– 1991-1992-жылдары Жалал-Абад облустук мамлекеттик администрациясында референт, инспектор;

– 1992-1993-жылдары Кара-Көл шаардык мамлекеттик администрациясынын башчысынын орун басары;

– 1993-1997-жылдары Жалал-Абад суу курулушу тресттик башкаруусунда, Жалал-Абад облустук суу чарба башкармалыгында башчынын орун басары, башкы инженер;

– 1997-1999-жылдары Сузак райондук мамлекеттик администрациясынын аппарат жетекчиси;

– 1999-2005-жылдары Көк-Жаңгак шаар башкаруусунда башчы;

– 2006-2010-жылдары Айылдарды суу менен камсыз кылуу департаментинин Жалал-Абад облустук «Таза суу» АӨБнын долбоорунда инженер;

– 2010-жылдан бүгүнкү күнгө чейин Сузак райондук мамлекеттик администрациясынын башчысынын орун басары болуп иштеп келген.

“АЙМАК”