1,104 Бардыгы /

ЖАЛАЛ-АБАД. Базар-Коргон районунун Акман айылынын 30 жаштагы тургуну Бурул Кошумбек кызы үчүнчү ирет эгиз төрөдү. Ал Жалал-Абад облустук төрөт үйүндө көз жарды. Эгиз уул-кыздарды тарбиялап жаткан түгөйлөргө азырынча Өкмөт же жергиликтүү бийлик көңүл буруп, куттуктай элек.

Бурул Кошумбек кызы тун кызы гана жалкы төрөлүп, андан кийин Апал-Үпөл, Алихан-Айхан деген уул-кыздуу болгон. Ал эми ушул жылдын 26-январында төрөлгөн уулу менен кызына азырынча ат коюша элек. Баса, жаш келин жолдошу Сапарбек Үмөталиев менен баш кошконуна 9 жыл болгондугун, алардын улуу кызы азыр 7 жашта экиндигин, ал эми келиндин жолдошу эгиз балалуу болушун чоң энесинен өткөндүгүн айтат. Акыркы эгиздердин улуусу 4 кило, экинчиси 3 кило төрөлдү. Ушул тапта эне-балдардын ал-акыбалы канаттандыраарлык.

Буга чейин Кыргыз Респубикасынын тышкы карызын төлөө үчүн ачылган атайын эсепке 10 миллион сом которгон Сузактык жаш ишкер Умар Муххамедов эгиздерге акчалай белек-бечек тапшырды.

Алишер ТОКСОНБАЕВ “АЙМАК”