798 Бардыгы /

Жалал-Абад облусуна Өзбекстандын Наманган облусунан 50 кишиден турган делегация келди. Аларды “Маданият” көзөмөл-өткөрүү пунктунан жергиликтүү бийлик өкүлдөрү тосуп алышты.Алдыда эки өлкөнүн ишкерлеринин бизнес форумун өткөрүү пландалууда.

“Буга чейин президенттер Садыр Жапаров менен Шавкат Мирзиёевдин Ташкенттеги жолугушуусунда эки өлкөнүн жол карталары түзүлгөн. Ошол эле учурда Наманган жана Жалал-Абад облустарынын ортосундагы кызматташтык маселеси көтөрүлдү.

Буга чейин эки мамлекеттин өкүлдөрүнүн ортосунда көптөгөн жолугушуулар болуп, бирок алардын алкагында кабыл алынган чечимдер кагаз жүзүндө калган. Акыркы жылдары кызматташтык күч алды деп айта алам.

Наманган облусу Өзбекстанда ишкерчилик, анын ичинде текстиль өндүрүшү өнүккөн аймак катары белгилүү. Бүгүнкү күндө текстиль бизнеси менен алектенген 30га жакын тажрыйбалуу ишкерлер биз менен келишти.

Менимче, Жалал-Абадда жүргөндөн кийин 2 күндүн ичинде эки облустун ишкерлери кызматташтыкты орнотууга мүмкүнчүлүк алышат. Карапайым жарандар алардын биргелешкен эмгегинен пайда табат деп ишенем. Чындыгында эле соода, дыйканчылык, логистика жана жеңил өнөр жай эки багытта тең өнүгүп келе жатат. Кытай жана Россия биздин өлкөлөргө жакын. Эгерде биз биргелешип иштесек, анда экспортту жакшыртабыз », – деди Наманган облусунун губернатору Шавкатжан Абдразаков.

Эки күндүн ичинде Өзбекстандан келген делегациянын өкүлдөрү Жалал-Абад шаарынын жана Сузак районунун бир катар ишканалары менен таанышат.

Эске салсак, 2021-жылы март айында Кыргызстандын президенти Садыр Жапаров коңшу Өзбекстанга болгон иш сапарында бир катар документтерге кол койгон.

WWW.