Аймак

ЖАЛАЛ-АБАД ОИИБДИН АРДАГЕРЛЕРИ БАТКЕНГЕ АКЧАЛАЙ КОЛДОО КӨРСӨТҮШТҮ

ЖАЛАЛ-АБАД ОИИБДИН АРДАГЕРЛЕРИ БАТКЕНГЕ АКЧАЛАЙ КОЛДОО КӨРСӨТҮШТҮ

 624 Бардыгы /

Жалал-Абад ОИИБдин ардагерлери Баткендеги чек ара жаңжалында өрттөлгөн милициянын аймактык пунктуна 86 миң сом акчалай колдоо көрсөтүштү. Бул пункт Максат айылында жайгашып, Лейлек РИИБдинКулунду аймактык милиция бөлүмчөсүнө карайт.


Акчалай каражат Жалал-Абад областынын аймагында жашаган ИИОнун ардагерлери тарабынан Баткенге колдоо көрсөтүү максатында чогултулган. Топтолгон каражатты Жалал-Абад ОИИБдин Ардагерлер кеңешинин төрагасы милициянын отставкадагы полковниги Капарбек Исаков, Сузак РИИБдин Ардагерлер кеңешинин төрагасы милициянын отставкадагы майору Сүйөркул Бакиров, жана ИИОнун ардагери милициянын отставкадагы подполковниги Аззам Ниязбаевдер тапшырышты. ИИОнун ардагерлери милиция кызматкерлерин патриоттуулукка чакырышып, алардын иштерине ийгиликтерди каалашап, ак баталарын беришти.


Өз кезегинде Лейлек РИИБдин Кулунду аймактык милиция бөлүмчөсүнүн начальниги, милициянын капитаны Жеңиш Орозалиев Жалал-Абад ОИИБдин ардагерлерине ыраазычылык билдирди.


Белгилей кетсек Максат айылындагы милициянын аймактык пункту чек ара чырында талкаланып, учурда өздүк курам тарабынан оңдоп-түзөө иштери жүргүзүлүүдө.

WWW.

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17