1,161 Бардыгы /

БИШКЕК. Сириядан атайын келип, кыргызстандыктарды алдаштырып, а түгүл башын дагы айландырып, согуш кызуу жүрүп жаткан Сирияга жана Ооганстанга жөнөтүүгө аракеттенген Кыргыз жараны кармалды.

Кыргыз Республикасынын УКМКсынын маалымат борборунан тастыкташкандай, кармалган С.Ж. аттуу жаран – 1994-жылы туулган, Баткен облусунун тургуну.Ал 2016-жылы Кыргызстандан Сирияга барып Кыргызстанда тыюу салынган «Ислам мамлекети»  Эл аралык террорчул уюмунун бандасынын курамында согуштук аркеттерге абдан активдүү аралашкан. Кыргызстандагы тыюу салынган «Ислам мамлекети»  Эл аралык террорчул уюмунун башчыларынын атайын тапшырмасына ылайык С.Ж. өз Мекенине кайтып келип, мекендештерин терррорчул уюмдарга байма-бай тартып, а түгүл айрымдарын согуштан башы чыкпаган Сирияга жана Ооганстанга жөнөтүүгө дагы катуу далбаса жасаган.

Кыргызстанда тыюу салынган «Ислам мамлекети»  Эл аралык террорчул уюмунун мүчөсү С.Ж. соңку сааттарда кармалып, тергөө абагына киргизилди. Сотко чейинки өндүрүш ишинин алкагында С.Ж. менен кылмыштуу байланышта жүргөн башка жарандарды дагы аныктоо боюнча ыкчам иш-чаралар жүргүзүлүп жаткан чагы.

Алишер ТОКСОНБАЕВ, өз кабарчы