1,479 Бардыгы /

ЖАЛАЛ-АБАД. Жалал-Абад шаарынын Эркиндик аянтында Эгемендүүлүк күнүн белгилөө алдында облустук ички иштер башкармалыгынын кызматкерлерин майрамга карата сыйлоо аземи жүргүзүлдү.

Жалал-Абад ОИИБдин басма сөз кызматы маалымдагандай,

алгач сыйлоону Жалал-Абад шаардык кеңеши жана мэриясы өткөрсө, андан кийин ИИМдин жана Жалал-Абад ОИИБдин буйруктары окулду. Сыйлоо жөнүндө буйруктардын негизинде медалдар жана ардак грамоталар менен ИИОнун ардагерлери, офицерлер жана сержанттар сыйланышты.

Жалал-Абад ОИИБдин начальниги, милициянын полковниги Ашим Тагаев сыйлык алгандарды куттуктоо менен бирге Эгемендүү Кыргызстанда тынчтык, тартип, мыйзам өкүм сүрүп, өсүп өнүгүү болушун жана элибизге бакубат жашоону каалап өттү.Ошону менен катар Жалал-Абад ШИИБне жаңы алынып келинип шаардын коомдук коопсуздугун камсыздоого багытталган участкалык инспекторлорго берилген электр тогу менен жүрүүчү заманбап скутерлер жана алардын кызматтык кийимдери облус жана шаар жетекчилерине тааныштырылды.

Сыйлоо аземинен кийин 30 жылдык мааракеге карата өздүк курам арасында саптык кароо өткөрүлүп, анын соңунда аскердик парадка даярдыктар көрүлдү.