1,404 Бардыгы /

Кыргызстандын кыйноолорду жана башка катаал, адамгерчиликсиз же кадыр-баркты басмырлаган мамиленин жана жазанын түрлөрүн алдын алуу боюнча Улуттук борборунун (КР КАУБ) адистери 20 -сентябрда Бишкек ШИИБубактылуу кармоочу жайында болуп, мониторинг жүргүзүштү.

Бишкек ШИИБубактылуу кармоочу жайында кармалып жаткандардын арасында“Толубай” коммерциялык банкынын директорлор кеңешинин мурдагы мүчөсү, 2020-жылдагы шайлоодо “Кыргызстан” партиясынан Жогорку Кеңештин депутаттыгына талапкер болгон Алмаз Сарыбаев да отурат.

КР КАУБнын өкүлдөрү менен болгон баарлашуу учурунда А.Сарыбаев кылмыш ишинин мыйзамсыз козголушуна нааразы болуп, 15-сентябрдан бери ачкачылык жарыялагандыгын билдирди. Бул тууралуу кармалган адам убактылуу кармоочу жайдын жетекчилигине 17-сентябрда маалымдаган.

«А.Сарыбаевдин жалпы абалы канааттандырарлык. Анын ден соолугун көзөмөлдөө үчүн убактылуу кармоочу жайга эки ирет тез жардам чакырылган», – деп белгилешти улуттук борбордон.

“Толубай” коммерциялык банкынын директорлор кеңешинин мурдагымүчөсү Алмаз Сарыбаев бийликти күч менен басып алууга аракет кылган деп шектелип кармалган. 16-сентябрда шаардын Биринчи Май райондук соту шектүүнү эки айга камакка алган. 14 күндүк карантинден өткөндөн кийин, ал Бишкек шаарындагы №1-тергөө изоляторуна которулушу күтүлөт.