2,112 Бардыгы /

БАТКЕН. Министрлер кабинети Баткен облусунда 2021-жылдын 28-30-апрелиндеги Кыргыз-Тажик мамлекеттик чек арасындагы окуяларда жабыркашкан салык төлөөчүлөргө мамлекеттик колдоо көрсөтүү чаралары жөнүндө атайын чечим кабы алды.

Министрлер кабинетинин басма сөз кызматынанкабарлашкандай, Баткен облусундагы Кыргыз-Тажик мамлекеттик чек арасында орун алган окуялар «Ал жеткис күчтүн жагдайлары» аныктамасына дал келүүчү өзгөчө жагдайлар деп таанылды. Ошентип, бул чечимге ылайык 2021-жылдын 1-апрелинен 31-декабрга чейинки мөөнөттө Баткен облусундагы окуялардын кесепетинен жапа чегишкен ишкерлердин тизимине киргизилген салык төлөөчүлөр (кенди кайра иштетүүчү, кен казуучу жана акциздик товарларды чыгаруучу ишканалардан, мунай продуктуларын сатуучу субъектилерден тышкары) төмөнкү салыктардын түрлөрүнөн – киреше салыгынан, пайда салыгынан, кошумча нарк салыгынан (импортко карата кошумча нарк салыгынан тышкары), сатуу салыгнан, милдеттүү патенттин негизиндеги салыктан, ыктыярдуу патенттин негизиндеги салыктан, бирдиктүү салык төлөөдөн бошотулду. Ошентип, көрсөтүлгөн салык төлөөчүлөр ал жеткис күчтүн жагдайларынын кесепетинен 2021-жылдын 1-апрелинен 30-сентябрына чейинки мезгилде пайда болгон салык жана камсыздандыруу төгүмдөрү боюнча карыздарынын суммасы боюнча мөөнөтүн кийинкиге жылдыруу, же бөлүп төлөө жөнүндө арызды салык органына чукул арада берүүгө укуктуу.

Ошентип, үстүбүздөгү жылдын 1-апрелинен 30-сентябрына чейинки отчеттук мезгилде салык калдыгынын суммасына камсыздандыруу төгүмдөрүн өз убагында төлөбөө үчүн туум көрсөтүлгөн салык төлөөчүлөргө карата колдонулбайт. Салык калдыгынын суммасына камсыздандыруу төгүмдөрүн өз убагында төлөбөө үчүн туумду төлөөдөн бошотуу тууралуу ченемдер ушул жылдын 28-30-апрелиндеги окуялардын кесепетинен жабыркаган калктуу конуштардын аймагынан тышкары жайгашкан алардын филиалдарына жана башка түзүмдүк бөлүктөрүнө таптакыр жайылтылбайт.

Соңунда жергиликтүү Кеңештерге Баткен облусундагы мамлекеттик чек аранын Кыргыз-Тажик тилкесиндеги окуялардын кесепетинен жабыр тартышкан ишкерлердин тизмесине киргизилген салык төлөөчүлөрдү жер жана мүлк салыгын төлөөдөн бошотуу сунуш этилди.

Алишер ТОКСОНБАЕВ, өз кабарчы