750 Бардыгы /

       ОШ. ОшМУнун Жаштар бизнес сейил багында 613 студенттин ичинен катуу иргелген 39 студент үчүн атайын тренинг өткөрүлдү. Катышуучуларга тренингден тышкары Ош шаарындагы бир катар мекеме-ишканаларга бизнес-тур дагы уюштурулду.

Ошентип, бир жума аралыгында  студенттер өздөрүнүн бизнес идеяларынын үстүндө абдан катуу иштешип. питчинг күнү өздөрүнүн долбоорлорун калыстарга жана дараметтүү инвесторлорго сунуш этишти. Питчингдин жыйынтыгы менен беш финалист аныкталды. Алардын экөө 2000 доллар грант утуп алуу алдында турат.

Финалисттер:

1. Медицина факультетинин студенти Бегимай Аширова.

Долбоорунун аталышы:  Vit’oss хирургиялык ийрими.

• Эл аралык мамилелер жана санариптик дипломатия

факультетинин студенти Социалбек кызы Айэлита. Долбоорунун аталышы:  «Барчын» боз үй лагери.

• Искусство факультетинин студенти Жайнагул Джусупбекова.

Долбоорунун аталышы: Долбоорунун аталышы:  Сүрөт тартуу боюнча чыгармачылык борбор.

• Медициналык колледждин студенти Мубина Адахамова.

Долбоорунун аталышы:  Кондитердик үй.

• «Ыйман» гимназиясынын окуучусу Кубаныч уулу Кумарбек.

Долбоорунун аталышы:  Табигый булгаарыдан ат жабдыктарын жана буюмдарды жасоо.

Булардан тышкары Питчингдин айрым катышуучулары калыстар тарабынан сертификаттарга дагы татышты. Жаш бизнесмендер ишкердикти колдоо борборунун алдыңкы тренерлеринен баалуу билимдерди гана алышпастан, өздөрүнгө өнөктөштөрдү дагы табышты, Булардын айрымдары жумушка орношуу сунуштарын кошо алышты.

Айтмакчы. жаштардын ишкердигин өнүктүрүү программасы ОшМУнун Жаштар бизнес сейил багы тарабынан Ага Хан Фондунун жана USAIDдин колдоосу аркасында жана тыгыз кызматташуусу менен биргеликте жүзөгө ашырылууда.

Алишер ТОКСОНБАЕВ, өз кабарчы