9 Бардыгы /

Апаз Жайнаков атындагы Баткен облустук музыкалык драма театрында Кыргыз эл жазуучусу Султан Раевдин «Барсбек» тарыхый драмасы сахналаштырылды. Жаңы жылдан кийнки эс алуу күндөрү көрөрмандарга тартууланган бул спектакль мамлекеттик тилди өнүктүрүү жана тил саясатын өркүндөтүү программасынын алкагында гана даярдалган.

«Барсбек» спектаклинин режиссеру – Кыргыз Республикасынын эл артисти Талант Апыев, ал эми сахнадагы көркөм кооздукту сүрөтчү, Кыргыз Республикасынын эмгек сиңирген ишмери Садыр Ниязакунов жасалгалады.

«Барсбек» – тарыхый драмасы өзүнүн терең мазмуну жана Кыргыз элинин тарыхый каада-салттары, баалуулуктары тууралуу баяндамасы менен өзгөчөлөнүп, элдин руханий мурастарын сахна аркылуу кайрадан жандантат. Театрда көрсөтүлгөн бул чыгармалар коомго көркөм өнөрдүн жана тилдин дараметин көрсөтүп, улуу муундан келечекке өткөн маданий байланыштын маанисин ого бетер терең чагылдырат.

Алишер ТОКСОНБАЕВ, өз кабарчы