57 Бардыгы /

Кыргыз Республикасынын Президентинин Жалал-Абад облусундагы ыйгарым укуктуу өкүлү Тилек Текебаевдин демилгеси жана “Кичи-Чаарат” ЖАКнун демөөрчүлүгү менен Чаткал районунан тандалган 10 алдыңкы окуучу, 2 мугалим жана райондук билим берүү бөлүмүнүн өкүлү Кытай Эл Республикасында 7 күндүк окуу-таанышуу сапарына барып келишти.

Делегация Пекин, Шанхай жана Үрүмчү шаарларында билим берүү жана маданий иш-чараларга катышып, дүйнөгө белгилүү Цинхуа университетинин Экономика жана башкаруу мектебинде болуп, жогорку окуу жайдын билим берүү процесси жана кесиптик багыт берүү ыкмалары менен таанышышты. Ошондой эле “China Gold” корпорациясынын өкүлдөрү менен жолугушту.

Үрүмчү шаарында делегация үчүн маданий программа уюштурулуп, Кытайдын тарыхы жана салттары менен таанышуу мүмкүнчүлүгү берилди. Ал эми Шанхай шаарында заманбап технологиялар, билим берүү инновациялары жана илимий-изилдөө борборлорунда болушту.

Белгилей кетсек, Чаткал районунда мындай демилгелерди мындан ары да улантуу пландалууда.