1,353 Бардыгы /

ЖАЛАЛ-АБАД. 2020-жылдын 22-24-октябрь күндөрү Жалал-Абад мамлекеттик  университети жогорку билим берүүнүн 7 багыты боюнча  программалык жана институционалдык аккредитациядан өттү. Бул тууралуу ЖАМУнун басма сөз кызматы маалымдады. Маалыматка ылайык, аккредитацияны көз карандысыз аккредитациялоо жана рейтинг агенттиги (НААР) өткөрдү. Эксперттик комиссия материалдык-техникалык базалар менен таанышып, билим берүү процессин уюштуруу, жеткиликтүүлүгүн камсыз кылуу иш-аракеттерине байкоо жүргүзүштү. Онлайн сапардын жүрүшүндө окуу жайдын жетекчиси профессор К.Ж. Усеновдун жеке интервьюсу, профессорлор, декан, институттун директорлору, структуралык түзүмдүн жетекчилери менен интервьюлар өткөрүлдү.

Ошондой эле студенттер, ата-энелер, окутуучулар, бүтүрүүчүлөр, иш берүүчүлөр менен маектешүүлөрдү өткөрүп, окутуучулардын сабактарына катышышты. ЖАМУ НААР агенттиги тарабынан белгиленген стандарттарга ылайык даярдалып, жогорку билим берүүнүн 7 багыты боюнча программалык жана институционалдык аккредитациядан ийгиликтүү өттү.  НААРдын жыйынтыктоочу отурумунда окуу жайдын андан ары өнүгүүсү  үчүн пикирлер ортого салынып, пайдалуу сунуштар айтылды.