2,664 Бардыгы /

ЖАЛАЛ-АБАД. Бүгүн, 28-апрелде Курманбек баатыр атындагы балдар лицейи Жалал-Абад шаардык мэриясынын жана шаардык билим берүү бөлүмү менен биргеликте “Китеп адамды, адам дүйнөнү өзгөртөт” аттуу китеп окуу сынагын өткөрдү.

Жалал-Абад шаардык мэриясынын маалымат борбору билдиргендей, сынактын жеңүүчүлөрүнө сыйлыктарды тапшыруу аземине шаар мэри Эрнисбек Ормоков, шаардык билим берүү бөлүмүнүн башчысы Ырысбек Калчаев, лицейдин жетекчилиги катышты.

Сынак мектеп окуучулары, ата-энелер жана мугалимдер арасында өтүп, жалпы 290 адам катышты. Жеңүүчүлөргө акчалай жана баалуу белектер тапшырылды.

Аталган сынакты өткөрүүгө шаар бюджетинен 100 миң сом акча каражаты бөлүнгөн.