1,005 Бардыгы /

          ЖАЛАЛ-АБАД. Өзгөчө кырдаалдар министрлигинен Жалал-Абад облусуна караштуу Тогуз-Торо районуна III даражадагы өзгөчө кырдаал режими киргизилгендигин тастыкташты.

          Анткени. Айтылуу Нарын дарыясында суунун көлөмү көтөрүлүп Тогуз-Торо районуна караштуу АБЗ тилкесин суу жеп, Ынтымак конушунда жайгашкан 200 кожолукка жана 16 гектар айдоо жерине, Аэропорттун учуу конуу тилкесин суу жеп кетүү коркунучу туулуп олтурат.      Дал ошондуктан, Тогуз-Торо райондук жарандык коргонуу комиссиясына «Айгай» жарыяланып Жалал-Абад облусттук жарандык коргонуу башчысы А.Сыргабаев жана Өзгөчө кырдаалдар министрлигинин Жалал-Абад облусу боюнча башкармалыгынын башчысы полковник А.Закировдун катышуусунда штабдык олтурум өткөрүлүп, Тогуз-Торо районуна 3-даражадагы өзгөчө кырдаал режими киргизилди.

          Ошентип, жеринде Нарын дарыясынын белгиленген тилкесинде суунун нугун буруу иштери жүрүүдө. Өзгөчө кырдаалдар министрлигинен КМ жана жарандык коргонуу кызматынан тиешелүү оор техникалар тартылып, алар күйүүчү май менен камсыз этилди.

Алишер ТОКСОНБАЕВ, өз кабарчы