Аймак

НООКАТТАГЫ ЭС АЛУУ ЛАГЕРИНДЕ БЫЙЫЛ 1400 БАЛА ЭС АЛЫШТЫ

НООКАТТАГЫ ЭС АЛУУ ЛАГЕРИНДЕ БЫЙЫЛ 1400 БАЛА ЭС АЛЫШТЫ

 411 Бардыгы /

ОШ. Кыргызстан Профсоюздар федерациясынын айыл чарба кызматкерлеринин Борбордук Комитетине караштуу Ноокат районундагы Тескей-Кожоке айылындагы Ж.Чыңгараев атындагы балдардын эс алуу лагери тоо этегинде, абасы таза жайда жана туптунук суунун боюндагы бак-шактуу жерде жайгашкан. Быйыл мында жалпы жоунан жай бою 1400 бала эс алышты.

Бул туурасында Ноокат районундагы Тескей-Кожоке айылындагы Ж.Чыңгараев атындагы балдардын эс алуу лагеринин директору Жапар  Осмоналиев кабарчыбызга билдирди.

— Кабыл алууну үстүбүздөгү жылдын 18-июнунда баштаганбыз. Биринчи агымда 200 бала келген. Азыр дээрлик 5-агымды аяктап жатабыз. Бизге жайлата Ош облусунун Ноокат, Алай, Чоң-Алай, Кара-Кулжа, Өзгөн, Араван райондорунан жана Ош шаарынан өспүрүмдөр келишти. Келүүчүлөрдүн саны жыл өткөн сайын улам көбөйүп баратат. Өзүңүздөр баамдагандай. эс алуу жайынын имараты мындан 43 жыл мурда салынган. Союз урагандан кийин таптакыр көңүл бурулбай калып, дээрлик каралбай калган эле. Балдар үчүн жагымдуу жайды кармап калуу, сактап туруу оңойго турган жок! – деди Ноокат районундагы Тескей-Кожоке айылындагы Ж.Чыңгараев атындагы балдардын эс алуу лагеринин директору Жапар  Осмоналиев. – . Эс алууга келген балдардын саны 100гө да жетпей калган учур болду. Заман оңолгондон тартып, ал кайра өз милдетин аткарууга киришти. Бара-бара бутубузга туруп кеттик. Тоо этегинде, тунук суусу бар Кошчан дарыясынын боюнда жайгашкан эс алуу жайы жыл сайын чакан жамааттын жана демөөрчүлөрдүн аракети менен талапка ылайык ремонттон өткөрүлөт. Бул да көп түйшүктү талап кылат. Балдар эс алуучу жана жууна турган жайлар, ашкана, жатаканалар санитардык-гигиеналык талапка жооп бере турган деңгээлге келтирилет. Бассейн санитардык-эпидемиологиялык талапка ылайык даярдалууга тийиш. Мактангандай болбойлу, айрым кыйынчылыктарга карабастан эс алуучуларды кабыл алууну ойдогудай уюштурууга жетиштик. Имараттар алдын ала ремонттон өткөрүлүп, жата турган төшөк- жууркандар жаңыртылды.

Ошентип, Ноокат районундагы Тескей-Кожоке айылындагы Ж.Чыңгараев атындагы балдардын эс алуу лагеринде бир агымда эс алуу 10 күнгө созулат. Бул маалда ыр-бийге шыктуу эс алуучулар өз өнөрлөрүн көрсөтүшөт. Бий аянтчасында ар кандай бийлердин түрлөрү боюнча мелдеш уюштурулат. Балдарды кызыктыруу максатында спорттун көп түрү боюнча мелдештер өткөрүлөт. Чыңгараев атындагы орто мектепте спорт залында волейбол, баскетбол, мини футбол оюндары өткөрүлөт. Кыргыздын улуттук оюндары ойнотулат. Бассейнде сууга түшүшөт. Китепканадан китеп алып окушат. Эс алуучуларга күнүнө 4 маал тамак берилет.

Алишер ТОКСОНБАЕВ, өз кабарчы

Автор

Байланыш дареги

Email: aymak.kg@mail.ru

Телефон: +996 (770) 81-00-32

Факс: +996 (3722) 2-32-36

Адрес: Жалал-Абад ш. Ленин к. 17