573 Бардыгы /

ЖАЛАЛ-АБАД .Бүгүн 12-сентябрда Жалал-Абад облустук ички иштер башкармалыгынын 2023-жылдын 8 айында аткарылган ыкчам кызматтык ишмердүүлүгүнүн жыйынтыгы чыгарылды. Ыкчам кеңешмеге Жалал-Абад ОИИБдин башчысы Жеңишбек Абитов, ОИИБдин бөлүм жана кызмат жетекчилери, шаардык жана райондук ички иштер бөлүмдөрүнүн башчылары катышышты.

Жалал-Абад ОИИБдин басма сөз кызматы билдиргендей, ыкчам кеңешмеде облус аймагында милиция тарабынан 8 айда аткарылган жумуштар жана кетирилген кемчиликтер талкууланып, 9 айды ийгиликтүү жабуу тапшырмасы коюлду.

Жалал-Абад ОИИБдин башчысы Жеңишбек Абитов облус аймагында Кыргыз Республикасынын Президентинин Жарлыктары, Министрлер Кабинетинин, ИИМдин талаптары милиция тарабынан толук кандуу аткарылышы керектигин белгиледи. Ички иштер министри милициянын генерал-лейтенанты Улан Ниязбековдун 7 багыттагы приоритеттүү тапшырмасынын негизинде жумуш алып барып, элибиз үчүн ак ниеттүүлүк менен кызмат өтөө зарылдыгын айтты. Кылмыштуулук жана укук бузуулардын алдын алууга багытталган профилактиканы күчөтүүнү, өздүк курамга кам көрүүдө курулуш иштерин жандантууну, санариптештирүү иштерин колго алууну, мыйзамдуулукту сактоону, кызматтык тартипти бузбоону талап кылды. Элге сервистик тейлөө көрсөтүп, уурулук фактыларына бөгөт коюу жана катталган кылмыштардын бетин ачуу максатында ыкчам профилактикалык чараларды көрүү зарылдыгын баса белгиледи.

Ыкчам кеңешменин соңунда кызматтык милдеттерин толук аткарбаган бир катар жетекчилерге тартиптик чаралар көрүлүп, кетирилген кемчиликтерди жоюу тапшырмасы коюлду.